今日模擬買入6,000股、每股1.52元的先傳媒，現實市場中同樣價位有20萬股的成交，成立。
現時市況大變了，資金橫流，正是鬥傻鬥天真就可以贏的時候。投資方法要有所調整，唔可以以價值作單一指標，市場熱炒的都可以成為買入目標。
2015年4月9日 星期四
2015年4月7日 星期二
假如我有一百萬 2015.04.07
而家呢個市況，真係一個尷尬的時刻。而家恒指好有勢，今年都升左7%，港股開始唔平。買呢，又驚摸高位；唔買呢，又驚呢一個係大牛市的開始，錯過左會揼心口。假如我有一百萬元，我就會喺呢個時候買小小股票。升，都叫做有得同一眾老散分享喜悅；跌，都仲有大量本錢可以加注。
至於揀股，我目前的諗法係，至少會將50萬元放喺穩定的高息股果度。長遠來講，持股分布喺至少12隻股票之前。為此，而家模擬落盤，8.14元買入白馬媒體(100)共1,000股；1.55元買入天大油管(839)共6,000股；0.67元買入現代美容(919)共14,000股；0.79元買入專業旅運(1235)共10,000股；1.52元買入皓天財經(1260)共6,000股。0.98元買入精熙(2788)共10,000股。
尋找奧思的翻版
之前美容股奧思(1161)，14年純利升40%，喺同年12月16日宣布增派息之後，股價上升超過50%。而舊年12月派過中期息的現代美容(919)，中期純利按年升24.4%，中期息增加36%。兩間美容公司的純利同派息都有增長，顯示香港的美容業正在翻生緊。由於奧思已經升左一大截，仍未升得多的現代美容，值得分析一下，睇睇有冇機會跟到奧思的升勢。
現代美容有幾個方面的優勢。第一，股權集中。股權分布方面，大股東曾裕持已發行股份佔總發行的74.03%，幾乎達持股上限。第二，街貨市值細少，按0.68元股價計算，換算後公眾持有股票的市值只有1.543億元。
2015年4月6日 星期一
男人唔壞 女人唔愛
好多人以為，揀高息股只可以收到股息，但會犠牲左大升幅，其實升幅同股息，係可以兩者兼得，關鍵係市場上的資金同股票供應兩個因素。
股票其實都係一種貨品，有供有求。凡係供求的野，Demand高supply低，股票會係喺市場追逐之下向上升；Demand低Supply高，股票會喺市場沽壓之下下跌。有時候，明明冇乜實業的垃圾股，佢股價可以升幾個開，正正常常做生意的公司，股價反而冇得升甚至大跌，你可能覺得呢啲現象唔合理，好似同情場一樣，男人唔壞，女人唔愛。但如果你從股票供求層面出發，你就會明白，其實一切係市場上的資金作怪，股價並不反映公司真實價值。不過，有啲唔同的係，壞公司的股價上升，多數都有原因。
訂閱：
文章 (Atom)