假如我有一百萬 2015.04.07

而家呢個市況，真係一個尷尬的時刻。而家恒指好有勢，今年都升左7%，港股開始唔平。買呢，又驚摸高位；唔買呢，又驚呢一個係大牛市的開始，錯過左會揼心口。假如我有一百萬元，我就會喺呢個時候買小小股票。升，都叫做有得同一眾老散分享喜悅；跌，都仲有大量本錢可以加注。

至於揀股，我目前的諗法係，至少會將50萬元放喺穩定的高息股果度。長遠來講，持股分布喺至少12隻股票之前。為此，而家模擬落盤，8.14元買入白馬媒體(100)共1,000股；1.55元買入天大油管(839)共6,000股；0.67元買入現代美容(919)共14,000股；0.79元買入專業旅運(1235)共10,000股；1.52元買入皓天財經(1260)共6,000股。0.98元買入精熙(2788)共10,000股。

至於投機的股價，而會買一點。1.32元買入中國天然氣(931)共10,000股；1.19元買入永利地產(864)共8,000股；1.12元買入CITY E-SOLUTION(557)共8,000股。

以上係長期指令，自2015年4月8日起的交易日生效。當實質市面有成交，就會當作買入完成。手續假設為買入股票市值的0.15%，並附加在每股買入價之上。