近來有好多財經人士或者傳媒，話港股喺「大時代」，冇留意開股市的人，可能唔明講緊乜。籠統啲講，即係股市大上大落、但整體向上升的環境，升幅勁到你唔信果種。假如真係喺大時代入邊，目前入市將會好易賺錢，因為大時代意味有強勁的購買力，而且目前港股仍然係落後於其他主要股票市場，包括中、英、美、德等。
上文所述，大時代的一個元素，就係要有強勁的購買力。呢點好重要，因為當一個市場冇錢，唔理你啲股票的基本因素幾咁好，都好難有人會不問價追，因為冇錢就係冇錢，乜都發生唔到，而且股票其實都係貨物，價格都係受供求影響，喺我以前的文章已經提及。
