簡志堅又好，中國天然氣(931)又好，係14年9月出現暴挫之前，都係冇咩人留意嘅名字。當然，今日已經係另一回事。有人話，簡志堅係老千，所有野都係吹出來炒作。我唔係簡sir肚入邊果條蟲，唔知佢諗咩，但我個人認為簡sir並唔係純吹水純玩財技。
先回顧中然氣自14年3月下旬以來嘅通告，前前後後出左十六份框架協議。部分人士覺得Billy Kan(簡志堅英文名)吹水，因為框架協議某程度上係吹水，簽左唔做，都唔使俾錢唔使負責。截至目前為止，未見中然氣有任何實質行動，或財務數據，反映到佢營運協議中嘅業務，但股價已經由三毫幾嘅水平，炒上到而家1.4元左右，市值亦由大約40億升到160億。所以，呢啲人嘅判斷，都有佢地嘅道理。
