服務業，有一個普遍性，唔需要買好多好似機械同廠房、呢啲成本又重建設時間又耐的固定資產，只要你有人脈、服務有專業性同埋需求不減，係一盤好好賺的生意。皓天財經(1260)，係本港財經公關龍頭，近乎係一隻收入高開支低的金融服務業現金牛。
睇睇投資銀行，啲iBankers可能幾個人就組成一條team，幫啲客人解決法律、會計、融資同埋推銷，射左啲股票出街之後可以賺幾百萬元的佣，甚至上億元，但開支方面，主要就係人工、寫字樓租金同雜費等。所以作為平凡人的我地，總係聽到有ibankers花紅一年分到幾個百萬、千萬，就係咁解。
