好多人以為，揀高息股只可以收到股息，但會犠牲左大升幅，其實升幅同股息，係可以兩者兼得，關鍵係市場上的資金同股票供應兩個因素。
股票其實都係一種貨品，有供有求。凡係供求的野，Demand高supply低，股票會係喺市場追逐之下向上升；Demand低Supply高，股票會喺市場沽壓之下下跌。有時候，明明冇乜實業的垃圾股，佢股價可以升幾個開，正正常常做生意的公司，股價反而冇得升甚至大跌，你可能覺得呢啲現象唔合理，好似同情場一樣，男人唔壞，女人唔愛。但如果你從股票供求層面出發，你就會明白，其實一切係市場上的資金作怪，股價並不反映公司真實價值。不過，有啲唔同的係，壞公司的股價上升，多數都有原因。
