近來有好多財經人士或者傳媒,話港股喺「大時代」,冇留意開股市的人,可能唔明講緊乜。籠統啲講,即係股市大上大落、但整體向上升的環境,升幅勁到你唔信果種。假如真係喺大時代入邊,目前入市將會好易賺錢,因為大時代意味有強勁的購買力,而且目前港股仍然係落後於其他主要股票市場,包括中、英、美、德等。
上文所述,大時代的一個元素,就係要有強勁的購買力。呢點好重要,因為當一個市場冇錢,唔理你啲股票的基本因素幾咁好,都好難有人會不問價追,因為冇錢就係冇錢,乜都發生唔到,而且股票其實都係貨物,價格都係受供求影響,喺我以前的文章已經提及。
但港股市場近來係資金泛濫的,起因係3月27日,內地政府放寬公募基金來香港買股票的限制,令香港股市多左一條巨大的資金來源:
中證監放寛港股通 逾20億人仔掃港股
當內地放寬限制之後,跟住內地資金即刻經港股通來港,港股的成交額就開始顯著上升,3月30日至4月2日的4個交易日,每一日的港股成交額都超過一千億元。而喺過去,港股成交額一般係650至800億元之間,市場無端多左最少兩成的資金,已經令股市顯著上升,恒指在期間升左差唔多8%。
不应歧视任何一个市场——写在港股起风之时
內地土豪的羊群心理發作,喺復活節假期內,積極喺內地的地下錢莊,將人仔換成港幣,然後運來香港準備搞大龍鳯,結果內地有多個錢莊的港幣俾人兌到冇晒﹗﹗﹗雖然,「不应歧视任何一个市场——写在港股起风之时」係一個網友的文章,但之後的交易日,似乎證明左佢的講法係岩的。復活節假期後的第一個交易日,即係4月8日,內地人用盡左105億元的限制額度,來買港股之餘,市場無端多左來歷不明的資金炒作,成交金額倍增至2,500.3億元﹗係平常的3倍左右,創下歷史新高,當日升961點,幅度亦係十分犀利。
土豪炒起港股 周松崗笑住警告風險
不過,更誇張的係4月9 日,全日成交額進一步升到去2,915.3億元,恒指升幅一度升左1,685點,收市時雖然升幅回落,亦都有707點的大升幅。最意外的係,曾俊華竟然走出來同人講,見唔到股市有泡沫爆破的跡象,港股升咁多係有好多原因導致。係我的印象中,財爺最鍾意叫人小心謹慎,量力而為,估唔到今次會鬆口,某程度上反映佢都覺得港股落後,當時仍未升夠。
恒指成交額再創紀錄 曾俊華:升得合理
來到今個星期一,港股升勢不止,連升8日,收市報28,016點,係08年金融海嘯之後,第一次喺28,000點以上收市,成交額仍然維持到2,636.4億元的高水平。而呢8個交易日,恒指由23,676點,飆升左18.3%。
【港股高潮】恒指破二萬八 港交所見300元創新高
經過咁多日的連升,港股星期二跌400幾點,唔算多唔算少。星期三同今日,就輕微升返少少,但成交額仍然高水平,今日有1985.9億元,仍然比平常的650至800億元,高左至少1.5倍。
【收市戰報】A股漲近3% 港股升120點完場
由於呢幾日港股唔上唔落,好多人開始驚會唔會大跌,因為而家好多股比升起之前「貴」左。但正如我係文章開頭講,股票都係貨品,價格受供求影響,而家係資金多需求大,但供應冇明顯變化,只要冇突發而不利的金融危機出來,係好難跌返去以前的水平。更重要的係,內地的基金仍然未落晒來。有銀行界分析員預計,5月初會有1,000億元人民幣開始落來香港,如果係真,恐怕到時升得更癲。
【醞釀狂潮】內地傳組千億基金 專掃港股
以上所講的,係一啲大環境同市場運作的事情,揀股係另一個層面的事,唔係話喺大環境好,亂咁買都有得賺。不過,對大環境同市場運作的認知,屬於基礎,無論係新手定有經驗的人,都係一定要知的事。如果你想買股票,就要多啲分析、多啲參考、多啲同人交流,成功率先會大。
最後,要強調一點,呢個世界冇幾多野係永恒,環境同市場運作的模式,係可以變動的。所以,大家有需要不時衡量,你所接觸到的或相信的事,係咪仍然同事現實相近。祝大家順利﹗
沒有留言:
張貼留言