特殊收益 省靚業績

Apple的第五代手機，比起前作失色得多。而最近的第六代，就獲得好評，好多人爭住買來用。香港有間上市公司，叫做嘉瑞（0822），其一瓣業務，就係生產手機外殼，唔知熱賣嘅iPhone 6，帶唔帶旺到佢呢，又﹖


按嘉瑞14年中期報告，主要的業務係生產智能手機塑膠外殼及手提電腦外殼。如果以技術劃業務的話，則如下：

1﹒鎂合金壓鑄業務，例子有手提電腦外殼，營業額3.42億元，佔總營業額45.2%；

2﹒塑膠注塑業務，例子有智能手機塑膠外殼，營業額1.93億元，佔總額25.6%；

3﹒鋅合金壓鑄業務，例子有家居產品，營業額1.23億元，佔總額16.2%；

4﹒鋁合金壓鑄業務，未有例子，營業額9748萬元，佔12.9%；5﹒照明產品，營業額659萬元，佔總額0.1%。

嘉瑞的主要業務，佔14年中期總營業額的70.8%。喺12年，年報指受惠於手提電腦熱潮，所以營業額大增，但客觀來講，當年有咁多人買左手提電腦，來到今年潛在客戶肯定減少，因為正常都唔會咁快換手提電腦，所以我認為2012年的亮麗業績，今年難以再現。

不過，蘋果新手機咁heat，唔知會唔會令嘉瑞殺出一條血路呢？不過，相信就算嘉瑞有so，全年好難有大賺，因為上半年蝕幾千萬，賺多都要補返數先。估計今年的純利，好極都係與13年大致相同，純利約6000萬元，甚至更少。6000萬純利，對應的每股純利是0.12元。不過，嘉瑞會有一筆特殊收益，皆因13年11月，嘉瑞廠房發生火災，因為嘉瑞有買保險，會獲得9330萬元的賠款，因此所得的每股收益是0.104元。業務盈利加特殊收益，理論上每股盈利係0.224元。

工業股的市盈率一般約7-12倍。以核心盈利0.12元計算，對應理論股價喺0.84-1.44元之間。若包括保險的特殊收益，每股盈利為0.224，對應理論股價喺1.568-2.688元之間。下限八折計算，股價係1.25元。

從股權分布來看，董事及管理層持股比率十分高，達72.82%，往年亦派息豪率，顯示佢地依靠派息取得更多的收入，例如話13年業績轉差，但仍然維持12年的高息派發政策。加上生產線好大機會回復正常盈利能力，及現金足夠，相信仍會有14年財仍會派0.099元股息。有時候，股價會升至收益率4%-6%的水平，對應股價由2.475至1.65元。下限八折計算，股價是1.32元。

如果以最保守嘅計法，嘉瑞股價可望到1.25元，同現價1.22元已經十分接近，剩低的水位可能唔多。不過我決定再持有多一陣，睇睇有冇驚喜。