從上巿公司偷錢 既方便又容易

要係上巿公司偷錢，真係既方便又容易，當然唔係講緊你同我，而係控制左投票權同董事局的最大粒的股東。

控制左投票權，大股東就好大機會可以推薦自己人入晒董事局，咁就可以控制到董事局。控制到董事局，就易委任自己人做埋ceo同cfo等的高級管理人員。咩都俾一班人控制晒，你會唔會有些不安呢？



好喇，廢話少講。間公司的股戶真係要小心呢種情況，當一班人控制董事局同管理層，佢地就可以係公司的大多數交易有決定權，做一些成本不合理地高的交易，從公司偷錢。例如有另一間礦業公司，有個礦場值一億，個大股東可以同個礦業老闆夾定，搵唔正當的估值師，估值十億，然後用十億去買一億的礦場，並從礦業老闆取得回佣。就係咁，小股東投入上巿公司的，就咁俾人搬走左。呢個情況就算係藍籌都可以發生，因為，其實只要有人控制到董事局同管理層，就好容易偷到錢。

近來的例子有藍籌兼巨型國企華潤置地（1109），前主席宋林，就做左類似以上的偷錢行為，俾中央革職查辦兼反貪。

所以話，一個散戶投資股票，係幾咁冇保障呢！