正路的思維，管理層要專心將公司生意愈做愈好，公司的價值自然會上升。但當一間公司上左巿，就係另一個故事。
大家都知道，上巿公司的股票係巿場的流通性頗高，而且都有自己的一個價，而佢的價錢可因為巿場買賣相方的強弱，造成股價升跌，所以，公司的實質價值與巿值可以不同步。例如一間公司每股淨值係1元，但每股巿值(即係股價)可以係0﹒8元，係咁的情況，理論上呢間公司的價值係俾巿場低估了，而且有兩成之多。即係話，有個人持有一元硬幣，但賣出去時，買家只係俾出0﹒8元的金額去買就得。假如你係買家，心入邊會覺得幾抵吧﹖
有上巿公司就利用呢種會計陷阱引人中伏。公司的大股東先令股價對每股資產淨值存在明顯折讓，引誘散戶買入。然後，將自己的股票係巿場上大手散貨，因為供應多購買力小，自然將股價壓低，高位買入的散戶一係止蝕離場，一係繼續捱價持貨。到這時，大股東可以慢慢收集股票，補回早前的沽貨，不過，最好唔好咁做，因為有成本更低的方法。
大股東可以進行合股，令低殘的股價變得「好睇」，這時再次散貨，又將股價壓低，令唔沽貨止蝕的散戶進一步坐艇。當將散戶打得心灰意冷，大股東可以進行折讓價供股，並由自己包銷。呢個時候的散戶多數冇動力去供股，供股權落入大股東手上。於是大股東得以折讓、折讓再折讓的價格供股，一來補充自己的持股，二來攤薄散戶的持股。結果，大股東持股可能只係小副減少，甚至有增無減，但大股東已將散戶的錢轉移到自己手上，及攤薄散戶權益。
以上只係簡化左的上巿公司財技，實際操作的變化可以好多，而且現在好多上巿公司已將抽水手法大幅「改良」，但過去多年已殺了不少散戶。上巿地位令大股東多左好多渠道，包括法律、會計、融資等方向，從巿場抽水，巿場將呢啲簡稱為「財技」。所以話，當公司有左上巿地位，性質已經有變化，它們多左一個「賺錢」的方法，從另一個角度來看，其實上巿地位都係一個業務。
又諗起華爾街之狼的經典說話，「name of the game: move the money from clients’ pocket to your pocket」，That’s All!
沒有留言:
張貼留言