上周買入了唯冠（334），這個操作實在令人難以滿意，因為唯冠唔點郁，浪費左機會成本，近來其他殻股可是升勢猛烈呢！
對喬樑個人而言，唯冠係一隻垃圾股，原因是市值遠高於資產，又唔見得會派高息。但TCL用幾年時間執呢隻爛殻，又要幫唯冠清理債務，TCL唔推高啲個股價然後供股/配股，係唔符合自己利益同常理的。
TCL董事長李東生玩慣財技，參考TCL同系的TCL 通訊(2618)、TCL多媒體(1070)、通力電子(1249)，隻隻都有炒高配股的往績，可見李東生肯定識玩呢方面。第二大股東劉高原，更係常常參與呢類的股票來賺錢。第三點，TCL集團係半國企，並不缺錢推高股價。第四，股權高度集中，推高股價對大股東有著數。
雖然有以上有利條件，不過，成個財技程序幾時開動，完全睇大股東意願。假如在短時間內唔啟動，我寧願換馬了，因為大把殻股有動力，唔應該被唯冠浪費資金的機會成本。
上星期留意到，14號果日無端有大手成交左2,300萬股，原來是第二大股東劉高原散的貨。CCASS顯示入呢批貨入晒去新加坡背景的券商大華繼顯，一股不漏。
我對大華繼顯印象深刻，事關14年年初投機安域亞洲(645)果陣，有春江鴨總係用大華總顯買賣，成功喺好消息前買、壞消息前賣，真係俾佢背後的春光鴨玩到氹氹轉。所以，見到佢嘅出現真係有啲厭惡。
Anyway，呢個動作，該是劉高原開始覺得賺夠了，部署散貨；而接貨人，有機會是大股東李東生的友好。14日當日我有一段時間持續看334的買賣盤，當時買賣兩閒，2元幾乎沒有買盤。但最後劉高原可以喺2元一次過賣晒，事先搵定人接盤的機會大。除了李東生會出於鞏固控股權而做，其他人有興趣的機會較細。如果是，接手人相當可能是李東生的人頭。
沒有留言:
張貼留言